اجمل شعر ليبي

اجمل شعر ليبي

جوجل بلس

محتويات

    يَتميز الشعر الليبي بالإبداع والفصاحة، وتتنوع المَجالات التي يتم تداول قَصائد الشعر الليبي بها، فهُناك شعر ليبي عن الحُب والفراق، وآخر عن الشوق والعاطفة، وأكثر الأشعار الليبية جَمالاً هُو الشعر الشعبي الذي يُعبّر عن تراث ليبيا وحَضارتها وعراقتها وأصالتها، ويُبين تقاليد وعادات الشّعب الليبي التي تَرجع إلي مِئات السّنين، حيثُ أن ليبيا تعتبر من أجمل الدول العربية التي تجمع بين التراث والحَضارة والطبيعة الساحرة الخلابة، التي تَشهد الآلاف من الزائرين العرب والأجَانب على مَدار العام، ولا شكّ أنَّ ما يدور في ليبيا من أحداث يُحزننا جميعََا، ونتمني من الله أن تَنعم ليبيا بالأمن والسلام قريباً، في هذه السطور اخترنا لكُم اجمل شعر ليبي ينال إعجابكم.

    اجمل شعر ليبي

    جَمعنا في المقالة التالية مجمُوعة من الأشعار الليبية المُتنوعة للعديد من الشعراء الليبين، مُعبّرة جدََا تتناول في أبياتها تراث وحَضارة، وجمال طبيعة ليبيا وعَراقتها، وأصالتها على مر السنين، وتُحاكي ما عاشه الشعب الليبي زمَن الاحتلال الايطالي وتروي قصص الشهداء الذين ضحّوا بأرواحهم دفاعََا عن هذا البلد العظيم.

    مازلت نا القديم صاحب جفا نقدر عليها انصيم

    لاعيب لاسيات لاتحريم لامعاتبة لاحس لاضوضاء

    لاليش لاكنك ولاتكليم كثر الحديث ايصير فيه اخطاء

    لاانريد نفتح امعاك سين وجيم ولاخيرفي صاحب ان كان شكا
    خليــك بيــن النــاس فاعــل خيـــر والعمــر مهمــا طــال راه قصــــير

    خليـــــك ديمــــــــة صافــــــــــي كيــف العسـل للنـاس حلــو وشافــي

    لا تهيـن غيــرك ولا بشــر تكافـي مهمــا حصــلك مـــن قــلال الخيـــر

    ولا تخـون من خانك وخلك وافي ولا تبيـــع حـــق النـــاس بالتزويـــر

    لا تكـــــــون شيـــــــــن طبايـــــع ولا تكـون مرخـي فـي كلامـك مايـع

    ولا تعيـش بيـن الناس حقك ضايع ولا تكون قاسي على الضعيـف تغيـر

    وارحم اللي محتاج واللي جايـــع وازرع الفرحة في قلوب الغيــــــــر

    خــــــــــــــلك عــــــــــــــــــادي مهمــا عــلا شانــك جميــلك بــادي

    راهــــا الدنيـــــا مالهـــــــا ودادي ولا يهمهــــــا كنـــــاس ولا وزيــــــر

    تبــرم بعـد زهوات جـاي وغــادي بعــد العــلاوي تحذفــك فــي البيـــــر

    خلــــــي كلامـــــــك ديمـــــــــــة للنـــاس خيـــر والعــــدو تبسيمــــــة

    والحـــق مــــا يحتــــاج للتلويمـــة واللــــي ظلـــــم مــــا ينفعــه تبريـــــر

    ولا تعاتب الصاحب إنكان حتى إكليمة ومهمـــا جرالـك مــا العيـــب أتديــــر

    اصبـــــر ووســــــع بالـــــــــــــــك واجــد اللــي مهمــوم حالـــه حـــالك

    واذكــر المولـــى وان شـــد حبــــالك وأبعـــــد عللــــي مالهــــــا تفسيـــــــر

    ومــا أتمـــوت غيــر فــي ميجـــالك مهمــا جـرا مـن النــاس ليــش أتحيـــر

    خليــــــك صاحـــــــــــــــــــب ود أتراعي العلامـــة والعـــدالة عــــــد

    ووين الزمان أيميل لا ترتــــــــــــد خـــلك دوم عالمبـــدى بـــلا تغييــــــر

    ومهما علا نجمك وفوق صعــــــــد تختـــم علــى حفـــرة ويـــوم عسيــــر

    خليـــــــك ديمــــــا طيـــــــــــــب فــــــزاع للصاحـــب وديمــا قريـــــب

    لا تخـــون جــارك لا رفــيق أتسيــب فـوقــت العتـــب خليـــك دوم كبيــــــــر

    تــردع الظالــم فالضعيـــف أتهيــــب وتبقـــــى سنـــــد للحـــــق بالتدبيــــــــر

    خليــك بيــن النـــاس فاعــــل خيـــــر والعمــــر مهمــــا طـــال راه قصيــــــر

    وفى قصيدة أخرى :

    قتله لما سقتني جديدة امنين كنت فى الميدان ليا ميدا

    وياما رفعتك لي برور بعيدة وياما حصدت الزرع ومعبيني

    وياما بسطتك من ايام سعيدة مع ترقاي وتهيف مرقيني

    واليوم دايريني عقاب حديدة ماقلت يخرب طرف وتساويني

    جايب طروف مقلده تقليدا تيوان ماهي صنع حتي صيني

    شعر فكاهي ليبي يذم المدرسة :

    من طلب العلا نام الليالي وسحب البطانية وقال أنا مالي

    خذالصفر ولا تبالي فأن الصفر من شيمة الرجالي

    دخلت الامتحان من غير تحضير فوجدت السؤال الأول عسير

    والثاني لم أجد له تفسير والثالث كاد عقلي يطير

    فدعوت الله أن يقرب ورقة زميلي مني ويبعد عيون المراقبين عني

    اللهم عليك بدفتر الدرجات وحول الصفر إلى مئات

    اللهم عليك بالوكيل واجعل له خرطوماطويل

    اللهم عليك بالأخصائي الاجتماعي واجعله ممن تنهشه الحيات والأفاعي

    اللهم عليك بأستاذ الدين لأنه كبيرالمنافقين

    اللهم عليك بأستاذ اللغة العربية واجعله من عمالالبلدية .

    شعر ليبي عن الحب

    استلهم  الشعراء الليبيون من جَمال الطبيعة كلمات الحُب والعشق في أبياتهم الشعرية، لكم بعضََا منها هنا.

    وين مـــا نقـول نهونك
    يلي مذيبلني سواد عيونك
    لا حذاك في الدنيا علم لا دونك

    ولكن خسارة فيك عاكس عوني
    ما زال ما عندي نقص قانونك

    كيف ماأنت عندك نقص قانوني
    ونجن قيس من ليلي ونا مجنونك

    حتي ونا سليم الناس يحسابوني
    وين ما ثمر غيري قطف عرجونك

    ونا الهم لو يقتل كبار غبوني
    وين ما نقول كفايا

    وما عاد نجر معاك في سهرايا
    من يوماً رضيتي بالخراب معايا

    واخترتي اللي ماكان غالي دوني

    عليك غير ماي ساعة عدد يا منايا

    ما هن سويا واجدات ديوني
    وظلمك وجفاك مخلَفات سوايا

    ساكنات جوا ضربهن دكنوني
    وزولك هداك السمح كان تهايا

    وانتي ترتشاقي مشيتك فصعوني

    تقول تشغلي في بهيب عنايا

    وانكان غمضت عيني حذاي تكوني

    وين ما نقول نسيبك حتي

    مسخرا ما عاد نجيب سريبك
    يجي اليل ويجيني منام يجيبك

    ونبقي عليك انق هذا لوني
    ونذكر أيام زهاك وتشرهيبك

    وقول يا شقاهم من عليك نهوني
    واليوم يا مرادي ما تقول طليبك

    ولا تقول عاهدتي غلاي تصوني
    ولا تقول شاكيتي بما زاريبك

    كيف ما نجض بنار في مكنوني

    طوعك الهم شوه صفاك وطيبك

    وما كنت نحسابك معاي تخوني
    وين ما نقول تهوني تجي صورتك

    هذيك بين عيوني تزيدي غلا
    ابكي ياقلبي ع لي صار ادموع

    انهار الغالي انسي صوبي والموال

    انساني ونسي صوبي جمليه

    بعد الغيه غلانا يصبح محال

    بعد مرواحه من الكليه

    بعد تلاث اشهور غيبه

    ليا قلتلها مشتاق بي حنيه

    اسقيني من حبك مازال
    اسقيني خلي الحب ايزيد بلا تعديب

    القيتها سرحانه لي بعيد
    مهمومه ومشغوله البال

    قلتلها مشغوله عليا

    قاتلي يعني هكي شوي
    وانت تؤاها الجيه
    ميصيرش نفتح موال

    قلتلها عينك في عيني

    نحي ها الخوف
    وقوليلي متماسك
    اني في احسن حال

    قالتلي انت زين وربي عاطيك العيبه

    والله مانلقاها فيك شهاده
    من الموله تنقال
    لكن قلبي ماهو ليك

    لا بيديا لا بيديك من الموله
    مكتوب عليك غلانا يصبح من المحال
    نحسبها اتبصر ياجدي

    قاتلي نتكلم من جدي
    انساني وانسي ودي
    وانسي حبي والاحلام
    رديت وغصبا عني

    رديت علي اسهوم
    قتلني الي خلني مجروح

    وفي اسو حال
    قلتلها راك اسبقتيني

    وفرتي عليا المشوار
    انا من قبل ماتحكيلي جاي

    نبي نقطع الاحبال
    جوني لاموني الاصحاب

    وعلي القصه فتحولي الباب
    واول مابدولي بي عتاب
    حرام حبك من القلب ينشال

    قلتلهم مانبيش املام

    حرمت علي قلبي الغرام بنات العالم
    مالهن شان لا نهي ولا ابتسام

    ولا سميه ولا حتي وصال
    متقدر وحده اتحركلي شعره

    من عيني لو جتني بنضره
    وكلمه وضحكتليوحتي

    لو كانت ايه في الجمال
    ابكي ياقلبي ع لي صار ادموع

    انهار الغالي انسي صوبي والموال
    سهرت الليل وانا اشكي ألم بعدك
    جلست ابكي كتبت أسمك على صدري

    نزف جرحي وانامادري

    ماعلموك ؟!

    ان الغلا يجرح الروح !

    وانا على فرقاك .. تنزف جروحي !!

    أسف ازعجتك ؟

    بس يمك خذتني لهفة الخاطر

    ما امهلتني انتظر باكر

    يادرب ياطولك على فرقا الاحباب

    يادرب تكفى تختصر لي المسافه

    حبك بقلبي شراله “دتسن” غماره

    ومن كثر الغلا فحط على باقي المحبين

    مساء ابيض يضمك حيل باحضانى..

    مساء يهدي أمل وردي لأجمل وأعذب إنسان

    المحبه راس مالي والقلوب الي تعشقها

    والضلوع اليا تثنت من غلاك الله عوجها

    تبسم للزمن تكفى ترى صمت القهر حراق

    وحذاري تذرق الدمعه ولوالنفس مجروحه

    مدري غلا ! ولاوله ! ولا محبه !

    لاشفت رقمك غصب عني ببتسم

    أنت الحياة وباقي الناس لي موت ..

    وشلون التفت للموت ؟ وأترك حياتي !

    أبحكيلك حكاية قلب حلف يمشي على أمرك

    رفض يسكن صدور الناس وجاك بيسكن بصدرك

    لاشوف .. لاخبر .. لاحس .. لا أثر ..

    بس بس هذا طبع البدر يطل يوم ويغيب شهر

    رن رن رن ::ألو محل الورود ؟

    لو سمحت أبي أحلى ورده لأحلى عيون تقرأ هالرساله

    فتحت أغلى اوراقي لقيتك عمري الباقي

    ولقيت اسمي يضم إسمك ومستحيل مثلك الاقي

    لو بغيت أكتب لك شعور القلب واحساسه ! حروف الكون

    ماتكفي ياعطر الورد وانفاسه
    يام العيون الحور
    نا بدوي وأنت من قضا الحضور

    بلاش م الغلا

    ياسمحة التهميدة

    متخالفين رانا من أسباب عديدة

    أنت من بنات رباة عيت احميدة

    ونا بدوي لا في ع البلاد اندور

    قضيت الطفولة في ظروف شديدة

    ولا في شبابي شفت يوم اسرور

    شقي من خطا ليام والتعقيدة

    قليل الهنا نوعا معا الفجور

    وما يهمني وانت عروس جديده
    ع النوم والكساد انديرلك طرطور

    أنت خذيتي عالحياة السعيدة

    معا بوك عندك هانيه لامور

    وعنده عليك حنان وتفدفيده

    اتكحي احذاه يجيبلك دكتور

    وكل عام لاثينا يشيلك بيده

    في صيفها تقضي ثلاث اشهور

    دلال علمك ع الدلع والتجعيده

    اللي تطلبيه اينفذه مامور

    ونا بدوي شاعث مونتي العصيده

    وتمر وحليب وخبزة التنور

    بالله نين نبقوا في بلاد بعيده

    وين نلقالك البيتفور

    يا دلوعه مليت م الخداع ومن مرار اللوعة

    غلاك مفروض ينتهى قبل اسبوعه

    وانكان هو طول علي ايجور

    وان دامن اقسامي ف الغلا طبوعة

    بعد ايام تلقيني بروفسور

    واندرس علي طلاب في ميضوعة

    واندير معهد عالي للبكا مشهور

    والطالب ايجي شايل معاه ادموعه

    لشروط القبول الحب عندا دور

    واهناك فرق بين ابكاه ف المربوعة

    وابكا ف الخلا وابكاه للجمهور

    يام العيون الحور .

    نا بدوي وانت من قضا الحضور

    بلاش مالغل .

    شعر ليبي عن الفراق

    الفراق الذي يُسبّب الألم ودمار القلب كَان له رونقََا وطابعََا خاص في قصائد الشعر الليبية التي عبّرت عن عذابه باللهجة الليبيّة.

    عين شديده
    جابت معاها الدمـــع والتنكيده
    وهدت معايا صوب كنت انريده
    وقلبت اركـــان العقل وموازينه
    بعد الــزها والشوق والتكبيده
    مــالت الـدنيا ياخســــاره بينـا
    وبعد الــــوفا والــود ومواعيده
    ماكـــان يخطــر ينتهى ماضينا
    وياما رسمنا من احلام سعيده
    لكـن عيــون الناس كانت شينا

    عين خطيره
    ســـاهل عليها صـــوبنا تدميره
    غطت علينا الشمس فالظهيره
    نين انعمـــن لعيون مـــا حكينا
    نار او حـــــريقه والعــه او كبيره
    سبحـــان بيها كيف مــــا حسينا
    ولاكنت نعرف مــاتدوم السيره
    بعد المحبه مــــــا نذوق الزينه
    وماكـــان علمى ايامنا الاخيره
    ذكره وتبقى ف الزمان حــزينه

    عين معانا
    صابت الصوب او طرطشة ملقانا
    قلبى تماضا م الجــــروح او عانا
    مالن ظــروفه فى عقاب سنينه
    هفـــوه وصـــارت نقولها بامــانه
    عشـــق الغـــــلا ياريتنا واريــنا
    وياريت كنا نكتمــــــــوه زهـــانا
    حتى ســهام الحسد ماترمينه
    غلطـــة اقبال الناس بان غلانا
    تبدل علينا الحــــــال نين بكينا

    شعر ليبي شعبي

    الشعر الليبي الشعبي يروي حَياة الصحراء والبادية الليبية، حيثُ من المعروف أنَّ المناطق الصحراوية التي يعيش فيها البدو كثيرة في ليبيا، وهي قبائل ذات تاريخ وأصالة تَرجِع إلى قديم الزمان.

    اتركهن وتنال الصير مالك سبب في دمعهن.

    اتركهن تنال جميل مالك سبب في ذنبهن.

    أنتي سبايبه ياعين غلا عزيز لولاك ما رسم.

    اجعن دعاي يامرهون تلقاه في ضراري كبيدتك.

    اعزاز مالكين العقل ينساهم منامه يجيبهم.

    الافا لنهار يجول ,,, العقل داه مالليل ياعلم.

    العقل واسع الجالات أضايق مع نار الغلا.

    العقل ما ينام الليل سطير جرح لولاف سمره.

    الـعـقل يابـعاد الـدار يـمـسي مـعاي ويـيات عـندكـم.

    العقل في بلاد جهال؛ إن دار الغلا ياذوه ياعلم.

    العقل ماعطوه حقوق اصحاب الغلا ضالمينه.

    الدمع ما يجلي الياس أيزيدكن أرياف وتنعمن.

    الدمع يوم ياس عزيز لو كان غيث لوطان أرجعن.

    العين هدبها مفتول علي عزيز ياما باكيه

    العين قابلت ووزنت والعقل قال ما كيفك علم.

    العين هي عـذاب العقل دلاته علي راي ذيبله

    الـعـين في العذاب تحمل ترجاهم رجا نين يـقسموا.

    العين من غلا مرهون تذوح ما دباره لاقيه.

    العين شوقها مرهون والفاضي اغباوه دايره.

    العين وين قالت تاب مرهون دار به نين نقضه.

    العين حاسبت لو قات لقت زمانها مايل بكت.

    النار في قرار العقل نزلت ياعلم دار راكحه.

    النار قايله للعقل أن صار يأس لولا ف ناخـذك.

    الناس يحسبوك ربيع وأنت عذاب يانار الغلا.

    الصبر خير واشوي ذنب واكثر جميل وأولي م البكا.

    رابط مختصر :

    مواضيع ذات صلة لـ اجمل شعر ليبي:

    تعليقات الزوار

    اترك تعليقاً