افضل قصائد طلال الرشيد

افضل قصائد طلال الرشيد

جوجل بلس

محتويات

    افضل قصائد طلال الرشيد، يعتبر الشاعر طلال الرشيد سعودي الجنسية من اشهر الشعراء الخليجيين والتي تحظي قصائده بنسبة اعجاب كبيرة بين عموم القراء ومحبي الشعر في الخليج والوطن العربي، طلال الرشيد وكنيته طلال بن عبد العزيز بن سعود بن عبد العزيز الرشيد، مواليد العام 1962، ولد في العراق تحديدا في الموصل بمنطقة تسمي الحدباء بعد وفاة والد عاد الي السعودية واكمل دراسته في مدارسها وتميز الشاعر طلال الرشيد بزكاءه الشديد بين زملاءه في الدراسة وظهرت عنده موهبة الشعر حتي صاغ العديد من الاشعار والمؤلفات الشعرية التي تنسب له الي اليوم، في مرحلة الجامعة سافر الرشيد الي الولايات المتحدة الامريكية واكمل دراسته بها ثم عاد الي السعودية مرة اخري ليبدا مسيرته الادبية والشعرية، وهنا اخترنا لكم افضل قصائد طلال الرشيد .

    من افضل قصائد طلال الرشيد

    هنا نقدم لكم مجموعة من اروع واشهر قصائد الشاعر السعودي طلال الرشيد والتي تحظي بنسبة اعجاب كبيرة بين عموم القراء ومحبي الشعر الخليجي ووطنمني ان تنال اعجابكم .

    قصيدة قالت قدر

    قالت قدر و أقول يومك تبيني غصبن على الدنيا يدك في يديني لا تظلمين الوقت وش ذنب الأيام لا تظلمين الحظ لا تظلميني غديت مابين ارجا فيك واليأس هذا يبي مني وهذا يبيني إن قلت شمت وخاطري طاب كذاب وان قالت أبيك ارخصت نفسي بعيني خيرني أمري بين أصعب خيارين موتي أنا أو موت الحساس فيني لكن زماني المر علمني أني أموت محني لجل قلبي جبيني والله ما تلقين حبي مع الناس روحي وها لأيام بينك وبيني

    قصيدة ذكرى الفراق

    اليوم ذكرى الفراق ومرت اول سنه اليوم لي عام متغرب وحيد وحزين اليوم انا ضيف جرحي جيت باطمنه اني جمعت الدموع وجبت امانة امين ما يجرح الصادق الا غدر من يامنه لا جت من احباب قلبك لا تلوم السنين مليت من هالاماني دام مهي ممكنه لاهي تحقق ولا ياسي بوجهي يبين لوين انا وانت مثل الشمس والازمنه مع كل صبحٍ يجددني لشمسك حنين لا قلت احبك احبك كنها دندنه او كنها وردةٍ مابين اصابع جنين يا اجمل الناس لك بين الملا هيمنه كثير غيرك ولكن مين مثلك و وين يا عاذلي خذ عيوني يمكن تثمنه تشوف عيبه وانا اشوفه ملاك حسين امس افترقنا وانا احسب مرت اول سنه يا طولها ليلة الفرقا سنة للحزين

    قصيدة عيون الحب

    عيون الحب لا يمكن تناظر عيوب الخل لوهو عيب كله تماري فيه وبوصفه تكابر ترى من فوق خلق الله محله رفيق الليل في الشباك ناطر واثاري الليل شباك لخله حفظ احلى الكلام وصار شاعر بصبر ينتظر والصبر مله حبيب عشت في دنياه عابر حسب قوله ويا شعري فقله انا ضحيت له وارجي وصابر واذا عيا اقول الله يحله على الملتاع الا يا بعد باكر يبي السلوان والذكرى تظله صحيح ان الهوى سحر المشاعر يراه الصب عز لو يذله عيون الحب في قلبي تناظر تشوف اللي عيوني ما تدله

    قصيدة جتني

    جتني وشافتها عيون حايرات ذا شعاع الشمس او هذا سناها ضاعوا اللي جوا معاها مسيرات واقبلت تمشي تقل محدٍ معاها ياسنا الفضه وياجيد المهات ياشذى نبت الخزامى في وطاها قلت كن بوجنتك زهر النبات قال ان الرمش يجرح لي صفاها تجرح الظلما عيون ناعسات سلهمت وأغضت تغطرس في بهاها حققوا بالشوف في لون الشفاة هو خذا منها الشفق والا عطاها ولو ظلام الليل يعطينا ثبات فيه من لون الشعر والا كساها كيف أباصف زين كاملة الصفات كيف أباصل في حروفي منتهاها

    قصيدة العواذل

    حبيبتي كل العواذل تشابه قلبٍ ظلام ووجه يشبه للأصحاب ولا ما غدى لك صاحبٍ ينحكى به لا تسمعي أن كان لك قلب وأحباب إلى مشيت الدرب يلهث سرابه وإلى سكنت الدار ناداني الباب وشلون أنام وهم قلبي صوابه والشوك ينبت بين جفنين وأهداب تعبت امني .. الأسئلة بالاجابة وانطر شروق الشمس والشمس بغياب وتعبت أناظر والمعنى عذابه أنك بعيده والملا دونك حجاب اجمع كلام وما أعرف الإجابه وعندي شعور صدق والوقت كذاب كل النجوم اللي امطرت من سحابه حبيبتي دمعك جرح قلب واتراب اللي وقف ما بين بابي وبابه قلبٍ ظلام .. ولابس ثوب الأصحاب

    قصيدة باقي الخلق في كف

    انتي بكف وباقي الخلق في كف متعليه في وسط قلبي ولك شان في غير وصلك مالقلبي ترى شف محتاج لك يانور عيني وشفقان لا جابوا اسمك صرت انا تقل مختف مالي على نفسي الى اطروك سلطان من غير حبك غضت عيوني الطرف ياللي جمالك صار للزين عنوان اريد انا قربك ترى ياغذا الحرف وان ماحصل موتي ودنياي سيان

    قصيدة ما جته في موعده

    يحتريها موعد آمال كبار ناجته يحتريها حافظ بعض الكلام اللي يبلغ حاجته يتأمل بالوجيه يتحراها تجيه والثواني يأس يرجي وترتجيه لا تأمل بالوجيه موعدك لا ما تجيه وما جته الناطر الموعود اشبهه بالعود اللي وقفت يوم على متنه حمامه راحت وناطرها تعود طويل النفس ليله ويرجي صبر حيله ويله كم تأمل بالوجيه وكم تحراها تجيه وما جته لو قيل لي ان القمر ياطا على متون النجوم والشمس لا جا الليل ترخى جوانحها و تنوم وان الغيوم قلب على الصحرا حنون اصدق وما اصدق تجيه اللي على خده يده واللي الامل باسمه نده قم تأمل بالوجيه موعدك يمكن تجيه

    قصيدة مكانك مكانك

    أموت من فرقاك .. و أموت بلقاك وأموت من جورك .. و أموت بحنانك كلٍ قضاه يموت مرّه .. و يفداك و أنا أموت ألفين مرّه .. عشانك أذكرك.. لا مني نسيت إني نسيتك أنساك .. لامني ذكرت نسيانك رضيت أنا بالهم لرضاك مرضاك و ارخصت لك قلبٍ جرحته .. وصانك أجيك في صدري عتاب .. و أبجفاك و أرجع ألوم الوقت و أقول خانك أحب فيك .. احساسي إني بلاماك في عز خوفي منك أحس بأمانك عجزت أفرق بين وصلك و فرقاك ياللي عطيت الناس بيدك عنانك مر تجيني لين أقول إني إياك و مر تروح بعيد و انسى أوانك أقبل و تقفي .. و اعتذر عن خطاياك و أقول ما عييت .. عيا زمانك و إن خانتك دنياك .. أو خنت دنياك إرجع و تلقابي .. مكانك.. مكانك

    قصيدة يا طاهره

    ابنت انا ماني كذا وظنونك تكذب عليك كلي عيوب وماقوت تخجلني ظنونك وتوب اكذب عليك ودوم اخونك وألبس الأبيض واجيك واعشق معك الفين وجه ويمتلي صدري قلوب احلى اقول لك لو قلتها البارح لذيك ياقف على شفاهي معك مراهق صب لعوب اكذب ولا ادري ليه اكذب اعشقك ما ارتجيك اخاف من صدق الحقيقة في الهروب من الهروب والله احبك واعشقك واعرف زمان اني ابيك لكنها هذي الحياة تعلمت مني الذنوب العين عجزت تعتقك والقلب عيا يشتريك في السجن خيال وفي،في الصدر رجال كذوب هذي الحقيقة مايجي في الكون اطهر من يديك وانا الذي انقض وضوء الغيم والماء والهبوب انقل عيوبي فوق متني وانتي لعيبك شريك وباكر تبسّم لي وجيه لك يعبسها الشحوب ياطاهرة حنا كذا والمظهر يكذب عليك يمكن يجي يوم نجي نخجل من ظنونك نتوب

    قصيدة آخر الحب

    كنت احسب اني عرفت الحب قبل اعرفك وعشقت قبل اعشقك واشتقت قبل التقيك وكنت احسب اني لقيت احباب قبل اوصلك واثري توهمت في غيرك وانا كنت ابيك تعال نعطش وتشربني وانا اشربك تعال قبل الوعد اجلس معي نحتريك تعال شفني وانا استناك كم اشبهك يطري علي الف راي و راي واحتار فيك اجي مكان الوعد والا اسبقه انطرك والا آخذ الموعد اللي يحتريك واجيك ا آخر الحب ذقت الحب في اولك ويا اول الشوق اقصى الشوق ما ينتهيك علمتني كيف اعرفك لين صرت اجهلك ضيعتني في متاهاتك وكنت ارتجيك حبيب الاحلام يابعدك ويامقربك حرام يكفي تبعثرني وانا احتويك ان شفتك بحلم صدقته وانا اتوهمك وان شفتك بعلم كذبته الين انتشيك اخاف اغمض عيوني وان رمشت افقدك واخاف افتح وتصبح حلم ولا التقيك.

    قصيدة اخرحب

    كنت احسب اني عرفت الحب قبل اعرفك وعشقت قبل اعشقك واشتقت قبل التقيك وكنت احسب انيرلقيت احباب قبل اوصلك واثري توهمت في غيرك وانا كنت ابيك تعال نعطش وتشربني وانا اشربك تعال قبل الوعد اجلس معي نحتريك تعال شفني وانا استناك ك اشبهك يطري علي الف راي و راي واحتارفيك اجي مكان الوعد والا اسبقه انطرك والا آخذ الموعد اللي يحتريك واجيك يا آخر الحب ذقت الحب في اولك ويا اول الشوق اقصى الشوق ما ينتهيك علمتني كيف اعرفك لين صرت اجهلك ضيعتني في متاهاتك وكنت ارتجيك حبيب الاحلام يابعدك ويامقربك حرام يكفي تبعثرني وانا احتويك ان شفتك بحلم صدقته وانا اتوهمك وان شفتك بعلم كذبته الين انتشيك اخاف اغمض عيوني وان رمشت افقدك واخاف افتح وتصبح حلم ولا التقيك

    قصيدة إن حكت

    ان حكت غار السكوت من الحكي وان بكت يحسد مدامعها الغرور كنها والشمس خصم ومشتكي وبين ذيك وذيك عذبت السطور الثرى يا مايسه مغروركي ومن يلومه ما يعرف سر الغرور والجمال امرايته في وجهكي والبها له في جفن عينك فتور الحلا يا حلوتي شبّه بكي منهكٍ حرفي ويشكي به قصور والحروف اتهني احروف اسمكي والاريج اختال في عرس العطور يا غريره ياغرورى مسلكي تهت والا تاه عن كفي العثور في طريقي ضاعت الخطوه لكي ماتميز بين نار وبين نور

    قصيدة “الليلة إحساسي غريب“

    الليلة إحساسي غريب عاشق ونا مالي حبيب حبيت كل الناس لاموني حبيت كل الناس باعوني قلت أحب الحب أحسن قلت أحب الحب أضمن لا أحن …. ولا أتوه ولا بعد في يوم أحزن رضيت بأقداري ونصيبي صرت محبوب الحبايب وصار كل عاشق حبيبي الليلة غير شعوري غير أشواقي غير حتى الأغاني غير صدري سما … واحساسي طير بس طيفك ماتركني ظل ساكن تحت جفني كان وافي…كان يذكر وإنت ناسي إنت وينك ؟ كان هذا الفرق مابيني وبينك؟! جيتني تشكي الزمن وجيتك أبي أدفى لقيت في قلبي وطن ولقيت فيك منفى

    قصيدة أوعدك

    أوعدك إن كان بعدي يسعدك الليله أرحل من الليله باختار الطريق من الليله الليل الرفيق و أوعدك ما أعاتب أو ألوم .. إلا نفسي و ما دام في قلبٍ معك أوعدك حبيبتي يا ليت ما قولك يا ليت و ما قد تمنيت و شكيت حبيبتي ويلي لا من غدى جسري أنا لنسيانك انتي ذكريات حبيبتي ما أصعبه نسيان ذاتي و إلا أقوم .. أوعدك سريت عن الليل اللي ف عيونك عن بلادك سريت و أوعدك إني أقول إني نسيت بس أوعديني لا زارني طيفك و أنا وحدي إني ما أبكي و أنك في قلبي تموتي و أنك على عيوني تفوتي و ما أعرفك و أوعدك إني من الليلة أموت من يوم أقوم .. أوعدك أوعدك

    قصيدة حبيبتي

    حبيبتي لا من غديتي لي سراج اتبعه وكني غديت من الظما اركض ويطردني السراب لا تبخلين اليا شربتك ماشربتك من سعه دامي من جروح الهموم الموجعه كلي صواب اليوم مرتني السواني والفصول الاربعه اليوم مريت المواني والمباني والسحاب اليوم ماكني لقيتك مر صوتك ماسمعه اليوم ما كني فقدتك من سؤالين وجواب يابنت في خدك وهج سيل الشموس الساطعه احرق بداخل داخلي انسان ماهو للتراب واللي خلق ظلم الليالي بالعيون الهاجعه اني من الحرمان اتسائل وحرماني جواب يوم الوداع تخيلي مالي حبيب اوادعه محروم انا وتخيلي محروم حتى من العذاب يابنت لي قصه تطول بكلمتين موجعه هي باختصار اني انا اركض ويطردني السراب

    قصيدة رسالة .. إلى صديق الطفولة

    صديق الطفولة وش جرى لك مع الأيام هي أنصفت دنياك والا أنت بك مثلي فقدنا ملامحنا مثل ساير الأنام عبث بنا جور الزمن والزمن يبلي وقفنا جميع وبيننا حاجز الأعوام صعيب ٍ وصولي لك.. ويا صعب لك وصلي وأنا اشوف في وجهك طريق غشاه عتام وذاك النخل واشوف دارك ودار أهلي وسدره.. هي أكرم من أهل بيتها اللوام وفي وجهك أصحابي.. عصى مدرسي.. وفصلي وعود ٍ كبير ودايم ٍ فالظلال ينام في ذكرياتي له بعد ملمح وجلي وسور كتبنا فيه ذكرى عبث وأوهام ولي في عيونك صورة زانها جهلي بثوب تبلّل بالمطر والتراب وشام وأنا حب أسير الْعَب وهي حافيه رجلي أنا وانت طفل وطفل دايم رضى وخصام بكانا سهلل والضحكة أمرٍ بعد سهلي دعاني بوجهك ناده ٍ ينده الأحلام معه رمح مدري هو علي غاضب.. أو لجلي أنا كيف أباصل والأمل خلف مو قدام كثير الأسى والسِّهد يا من فعل فعلي

    رابط مختصر :

    مواضيع ذات صلة لـ افضل قصائد طلال الرشيد:

    تعليقات الزوار

      اترك تعليقاً