كيف اخلي شعري كيرلي طبيعي بعد الاستحمام

كيف اخلي شعري كيرلي طبيعي بعد الاستحمام

جوجل بلس

محتويات

    كيف اخلي شعري كيرلي طبيعي بعد الاستحمام، الكثير من السيدات يبحثون بإستمرار عن أحدث القصات الخاصة بالشعر، فالشعر يعتبر أحد أشكال الزينة التي تهتم بها كافة الفتيات والسيدات، بالإضافة الي أن الشعر يعد من علامات الجمال التي تتجلى بها عامة السيدات، كما ان هناك العديد من قصات الشعر العالمية التي تعبر من خلالها الفتاة عن رونقها الداخلي المُحل بأسمى علامات الجمال، وفي هذا شامل سنتعرف علي كيف اخلي شعري كيرلي طبيعي بعد الاستحمام، فهناك عدد طرق يمكنكم من خلالها تصفيف الشعر بطريقة ممتازة وسهلة في المنزل،فتابع معنا أسفل شامل.

    طرق عمل شعر كيرلي في البيت

    في هذه الفقرة جمعنا لكم أفضل وأسهل سبع طرق لعمل الشعر الكيرلي في المنزل، فكل ما عليكم هو إتباع الخطوات التي سنسردها لكم في هذه الفقرة مع مراعات الازم من خلال الصور الموضحة لكل طريقة منهم.

    • القلم الرصاص:

    الطريقة دي سهلة جدا في عمل الشعر كيرلي ومش بتحتاج اي ادوات خاصة او مجهود، ممكن تستبدلي القلم الرصاص بشليموه بتاع العصير

    1. بعد ما تغسلي شعرك سيبي يهدى شوية بس من غير ما ينشف
    2. سرحي شعرك وسلكيه كويس وابدأي في تقسيمه لمجموعة من الخصل
    3. ادهني كل خصله بكمية قليلة من الزيت او بديل الزيت
    4. لفي الخصلة على نفسها (ابرميها) وبعدين على قلم رصاص لغاية الاخر او ممكن لغاية نص طول الخصلة او تلات اربعها على حسب ما انتي عايزة الكيرلي يبدأ من امتى
    5. اشبكي القلم في الشعر ببنسه او كلبس وسيبيه لغاية ما ينشف خالص وبعدين فكيه

    • الورقة:

    الطريقة دي زي الطريقة اللي فاتت بالظبط لكن لو عايزة الكيرلي اوسع شوية من القلم، بتلفي ورقة حولين نفسها بالطخن اللي تحبيه وبتنفذي نفس الخطوات السابقة بالظبط.

    • بنس الشعر:

    الطريقة دي كمان سهلة وبسيطة ومش حتاخد منك اي وقت او مجهود

    1. بعد ما تغسلي شعرك وتسيبيه ينشف شوية وتسرحيه وتسلكيه
    2. قسمي الشعر خصل منتظمة
    3. ادهني كل خصلة بالزيت او بديل الزيت
    4. ابرمي كل خصلة حولين نفسها اما بشكل قوي عشان يبقى الكيرلي ضيق او لفات بسيطة عشان يبقى واسع
    5. وبعد كده لفي الخصلة في شكل كحكة وامسكيها ببنسة شعر
    6. سبيب الشعر لغاية ما ينشف خالص وبعدين فكيه واستمتعي بشعرك كيرلي

    • الايشارب:

    الطريقة دي محتاجة شعر طويل شوية عشان تتظبط ويبقى شكلها منتظم اكتر والكيرلي بتاعها بيبقى واسع

    1. بعد ما تغسلي شعرك وتسيبيه ينشف شوية وتسرحيه وتسلكيه
    2. قسمي الشعر خصل منتظمة
    3. ادهني كل خصلة بالزيت او بديل الزيت
    4. افردي كل خصلة وقسميها اتنين وضفريها مع الايشارب بحيث ان الايشارب يعمل خصلة تالتة معاهم
    5. لما شعرك ينشف خالص فكي الضفيرة وحتلاقيه بقى كيرلي

    • الاطواق:

    ممكن تستخدمي الطوق او السرتيت المصنوع من الاستيك او القماش في عمل الشعر كيرلي

    1. اغسلي شعرك كويس وسيبيه ينشف في الهواء عادي
    2. ادهني شعرك بالزيت او بديل الزيت وسرحيه كويس
    3. البسي الطوق حولين الرأس زي الصورة
    4. ابرمي الخصلة حولين الطوق داير ما يدجور الرأس كلها
    5. على حسب سمك الطوق بيبقى الكيرلي واسع او ضيق
    6. ولما ينشف فكر الخصل براحة من حولين الطوق وبعدين شيليه

    • السوست والرولو:

    طبعا السوست معروفة جدا بأشكال واحجام وخامات مختلفة، وفي كمان الرولو اللي هو اصابع طويلة من مادة لدنة بتتلف حولين الشعر وتتربط، والاتنين بيستخدموا بنفس الطريقة، اختاري منها المناسب ليكي ولشعرك من ناحية الطول والخامة واستخدميه

    1. بعد ما تغسلي شعرك سيبي يهدى شوية بس من غير ما ينشف
    2. سرحي شعرك وسلكيه كويس وابدأي في تقسيمه لمجموعة من الخصل
    3. ادهني كل خصله بكمية قليلة من الزيت او بديل الزيت
    4. خدي كل خصلة ولفيها على نفسها الاول وبعدين على السوستة او الرولو
    5. ممكن تدخليه لغاية الاخر او توقف اللف لغاية نص الخصلة او قرب الجدر
    6. سيبيه شعرك ينشف على طبيعته او ممكن توجهي عليه السشوار من بعيد حاجة بسيطة وسيبيه لغاية ما ينشف خالص وبعدين فكيه

    • مجموعة الكيرلي:

    ودي متوفرة في اغلب المحلات الخاصة بأدوات الشعر واستخدامها سهل جدا وهي عبارة عن ادوات مصنوعة من مادة لدنة لما بتفرديها بترجع مرةى تانية تلف حلو نفسها ومعاها اداة شبه طويلة ولها طرف مفتةح بندخل منه الشعر، الاستخدام بالتفصيل كالتالي

    1. بعد ما تغسلي شعرك سيبي يهدى شوية بس من غير ما ينشف
    2. سرحي شعرك وسلكيه كويس وابدأي في تقسيمه لمجموعة من الخصل
    3. ادهني كل خصله بكمية قليلة من الزيت او بديل الزيت
    4. الضمي الخصلة في طرف الاداة الطويلة
    5. دخلي الاداة جوة الرولو وشدي الاداه مرة تانية لغاية ما تخرج بره الرولو
    6. حتلاقي الرولو لف لوحده مع الخصله جواه
    7. ممكن توجهي عليه السشوار او تسيبيه ينشف لوحده

     

    رابط مختصر :

    مواضيع ذات صلة لـ كيف اخلي شعري كيرلي طبيعي بعد الاستحمام:

    تعليقات الزوار

      اترك تعليقاً